"BakuBookCapital"

2001-ci ildən bu yana hər il aprelin 23-də mütəmadi olaraq BMT və UNESCO tərəfindən bir şəhər “Dünya kitab paytaxtı” statusunu alır. Bakının da belə bir beynəlxalq layihənin tərkib hissəsi olması adına tədbirlər planı həyata keçirilir.

"Baku Book Capital" layihəsi çərçivəsində hazırladığımız veb-sayt daha zəngin resurslara malik olan fundamental elektron kitabxananın yaradılmasında ilk addım hesab olunur.

Veb-saytın yaradılmasında məqsəd Azərbaycan ədəbiyyatını, kitab mədəniyyətini təbliğ etmək, uşaq ədəbiyyatının inkişafına fayda vermək və azyaşlılar arasında kitaba, mütaliəyə xüsusi maraq yaratmaqdır.

Saytda Azərbaycan ədəbiyyatının görkəmli nümayəndələri, hal-hazırda fəaliyyətdə olan kitabxanalar haqqında xüsusi bölmə ayrılmış, qalereya bölməsində sayt və kitabxanalara dair ilkin təəssüratın yaradılması məqsədilə vizuallar yerləşdirilmişdir.