"Heydər Əliyev Fondu"

Azərbaycan, rus və ingilis dillərində tərtib olunan saytda fondun məqsədi, strukturu, ümummilli lider Heydər Əliyev haqqında məlumatlar əks olunmuşdur. Sistemdə Fond, fəaliyyəti, layihələr, tərəfdaşlar, konfranslar, xeyriyyə tədbirləri, aksiyalara dair xüsusi bölmə ayrılmışdır. Fondun fəaliyyətinin dövri mətbuatda nəşri həyata keçirildiyindən veb-sayt zəngin kitabxanaya malikdir.

Heydər Əliyev Fondunun elm və təhsil, səhiyyə, mədəniyyət, sosial, idman, İKT, ətraf mühit ilə bağlı həyata keçirdiyi layihələrdəki iştirakı da saytda əks olunmuşdur.

Veb-sayt Fondun bundan sonrakı fəaliyyəti barədə yenilikləri də mütəmadi izləməyə imkan yaradır. Həmçinin belə bir saytın yaradılması xaricdə yaşayan həmvətənlərimiz, beynəlxalq qurumlar, ictimaiyyətlə, kütləvi informasiya vasitələri ilə əlaqələrin genişləndirilməsi üçün çox dəyərlidir.