Dövlət Reklam Agentliyi

İstifadəçilər dövlət platformalarında ilk növbədə aydınlıq, sürət və rəsmi etibarlılıq gözləyirlər. Müraciət mərhələlərinin vizual olaraq izahı, xidmətlərin kateqoriyalar üzrə bölünməsi və minimal addımlı form strukturu əsas prioritet kimi müəyyən edilib. Qərarvermə mərhələsində isə normativ baza, tələb olunan sənədlər və proses müddəti barədə şəffaf məlumatın təqdim olunması UX strategiyasının əsas istiqamətlərini təşkil edib.

Araşdırma mərhələsində dövlət xidmətləri sahəsində mövcud rəqəmsal təcrübələr və beynəlxalq analoji qurumların platformaları təhlil olunub. İstifadəçilərin müraciət davranışları, məlumat axtarış vərdişləri və mobil istifadəyə üstünlük səviyyəsi öyrənilib. Rəqib və oxşar dövlət portallarının analizi nəticəsində daha aydın struktur, prioritetləşdirilmiş xidmət təqdimatı və şəffaf kommunikasiya modelinin qurulması qərara alınıb. Bu nəticələr konsept və informasiya arxitekturasının formalaşmasında əsas rol oynayıb.

Platformanın informasiya arxitekturası və əsas istifadəçi axınları detallı şəkildə müəyyənləşdirildi. İstifadəçi ehtiyacları və dövlət xidmətlərinin spesifik tələbləri nəzərə alınaraq wireframe və ilkin skelet strukturlar hazırlandı. Hər xidmət mərhələsi üçün aydın form strukturu, status izləmə mexanizmi və mərhələli proses xəritəsi quruldu. Bu mərhələ sonrakı UI dizayn və interaktiv prototipləşdirmə üçün möhkəm konseptual baza formalaşdırdı.