Muzey peşəkar teatrımızın tam təəssüratını özündə əks etdirir.
25 May 2019
1934-cü ildən fəaliyyət göstərən, 137.000-dən artıq eksponatı özündə toplayan Cəfər Cabbarlı adına Azərbaycan Dövlət Teatr Muzeyinin iki zalı estetik görünüşü, ahəngdarlığı, əşyaların bir-birinə olan estetik və rəng uyğunluğu nəzərə alınaraq, ən effektiv, yaradıcı üsullardan istifadə edilərək dizayn edilmişdir.
Zallardan birinin dizaynı Cəfər Cabbarlının xatirəsinə istinad edir və burada onun həyat, fəaliyyətinin müxtəlif dönəmlərini əks etdirən maraqlı faktlar, əşyalar, fotolar və digər unikal eksponatlar təqdim olunur.
İnteraktiv formada dizayn edilərək ziyarətçilərin ixtiyarına verilən digər zalda yubiley sərgiləri, xatirə gecələri, tədbirlər və s. həyata keçirilir.
Muzeyin zallarına tətbiq edilən interyer və qrafik dizayn işləri tarixiliklə həmahəngdir.